పయనించే సూర్యుడు న్యూస్ : దేశ రాజధాని ఢిల్లీకి ఉగ్ర ముప్పు పొంచి ఉన్నట్టుగా ఇంటెలిజెన్స్ వర్గాలు అనుమానిస్తున్నాయి. ఈ క్రమంలోనే భద్రతా సంస్థలు హై అలర్ట్ ప్రకటించాయి. దేశ రాజధాని ఢిల్లీకి ఉగ్ర ముప్పు పొంచి ఉన్నట్టుగా ఇంటెలిజెన్స్ వర్గాలు అనుమానిస్తున్నాయి. ఢిల్లీలోని ఎర్రకోటతో సహా పలు ప్రదేశాలను ఉగ్రవాదులు లక్ష్యంగా చేసుకుని దాడులకు పాల్పడ అవకాశం ఉందనే నిఘా సమాచారంతో భద్రతా సంస్థలు హెచ్చరికలు జారీ చేశాయి. పాకిస్తాన్ కేంద్రంగా పనిచేస్తున్న ఉగ్రవాద సంస్థ లష్కరే తోయిబా… ఢిల్లీలోని ఎర్రకోట, చాందినీ చౌక్లోని ఒక ఆలయం, దేశవ్యాప్తంగా ఉన్న ఇతర ప్రధాన దేవాలయాల సమీపంలో పేలుడుకు ప్రణాళికలు వేస్తున్నట్లు తెలుస్తోంది. నిఘా వర్గాల సమాచారం ప్రకారం… లష్కరే తోయిబా ఐఈడీ దాడికి ప్రణాళికలు రచిస్తుంది. భారతదేశంలో పెద్ద ఉగ్రదాడికి ప్రణాళికలు వేస్తున్నట్లు సమాచారం. ఎర్రకోటతో పాటు పలు ఆలయాలను ఉగ్రవాదులు లక్ష్యంగా చేసని ఐఈడీ దాడులకు ప్లాన్ చేస్తున్నట్టుగా నిఘా వర్గాలు అనుమానిస్తున్నాయి. అలాగే దేశవ్యాప్తంగా ఉన్న ప్రముఖ దేవాలయాలు కూడా లష్కరే తోయిబా టార్గెట్ లిస్ట్లో ఉండే అవకాశం ఉందని పేర్కొన్నాయి. దీంతో అప్రమత్తమైన భద్రతా సంస్థలు దిల్లీలో హైలర్ట్ ప్రకటించాయి. సున్నితమైన, మతరపరమైన ప్రాంతాల్లో అదనపు బలగాలను మోహరించారు. మరోవైపు బాంబ్ స్క్వాడ్ బృందాలను కూడా రంగంలోకి దించాయి. అంతేకాకుండా ప్రజలు కూడా అప్రమత్తంగా ఉండాలని… అనుమానాస్పదంగా ఎవరైనా కనిపిస్తే వెంటనే సమాచారం ఇవ్వాలని పోలీసులు స్థానికులను కోరారు. ఇక, 2025 నవంబర్ 10న ఢిల్లీలోని ఎర్రకోట సమీపంలో జరిగిన ఘోరమైన కారు పేలుడు దేశవ్యాప్తంగా కలకలం రేపింది. ఈ పేలుడులో 10 మందికి పైగా ప్రజలు మరణించగా, 20 మందికి పైగా గాయపడ్డారు.ఎర్రకోట మెట్రో స్టేషన్ గేట్ నంబర్ 1 సమీపంలో పేలుడు పదార్థాలతో వెళ్తున్న కారు ఒక్కసారిగా పేలిపోయింది. ఈ పేలుడు కారణంగా సమీపంలోని అనేక వాహనాల్లో మంటల్లో చిక్కుకుపోయాయి. ఇక, ఢిల్లీ పోలీసు నుంచి ఈ కేసును స్వాధీనం చేసుకున్న ఎన్ఐఏ… అన్ని కోణాల్లో విస్తృత దర్యాప్తు జరుపుతుంది. ఈ క్రమంలోనే కారు పేలుడులో కీలకంగా వ్యవహరించిన సూసైడ్ బాంబర్ ఉమర్ నబీతో కలిసి కుట్రలో భాగమైన అమీర్ రషీద్ అలీని ఎన్ఐఏ అరెస్ట్ చేసింది. కశ్మీర్కు చెందిన అమీర్ రషీద్ అలీని ఢిల్లీలో అరెస్ట్ చేసినట్టుగా ఎన్ఐఏ తెలిపింది.
