సాక్షి డిజిటల్ న్యూస్:అమెరికా అధ్యక్షుడు డోనాల్డ్ ట్రంప్కు బిగ్ షాక్ తగిలింది. అమెరికా అధ్యక్షుడు డొనాల్డ్ ట్రంప్ జాతీయ అత్యవసర చట్టం కింద విధించిన విస్తృత సుంకాలను సుప్రీం కోర్టు కొట్టివేసింది. అమెరికా అధ్యక్షుడు డోనాల్డ్ ట్రంప్కు బిగ్ షాక్ తగిలింది. అమెరికా అధ్యక్షుడు డొనాల్డ్ ట్రంప్ జాతీయ అత్యవసర చట్టం కింద విధించిన విస్తృత సుంకాలను సుప్రీం కోర్టు కొట్టివేసింది. తద్వారా డోనాల్డ్ ట్రంప్… వాణిజ్య విధానం, ప్రపంచ ఆర్థిక వ్యవస్థకు సంబంధించి అవలంభిస్తున్న విధానానికి చట్టపరమైన ఓటమి ఎదురైంది. చీఫ్ జస్టిస్ జాన్ రాబర్ట్స్ వెలువరించిన ఈ తీర్పులో ట్రంప్ విస్తృత సుంకాలకు వ్యతిరేకంగా ఆరుగురు జడ్జీలు, అనుకూలంగా ముగ్గురు జడ్జిలు ఉన్నారు. ట్రంప్ విస్తృత దిగుమతి పన్నులను విధించడానికి 1977 అంతర్జాతీయ అత్యవసర ఆర్థిక అధికారాల చట్టం (IEEPA)ను అమలు చేయడం ద్వారా తన అధికారాన్ని అతిక్రమించారని గతంలో దిగువ కోర్టు ఇచ్చిన తీర్పులను సుప్రీం కోర్టు సమర్థించింది. అయితే ఐఈఈపీఏ… జాతీయ అత్యవసర సమయంలో వాణిజ్యాన్ని నియంత్రించడానికి దేశ అధ్యక్షుడిని అనుమతిస్తుందని… కానీ సుంకాల గురించి స్పష్టంగా ప్రస్తావించలేదని నిపుణులు చెబుతున్న సంగతి తెలిసిందే. ఈ క్రమంలోనే సుంకాలు సహా పన్నులు విధించే అధికారం కాంగ్రెస్(పార్లమెంట్)కే ఉందని రాజ్యాంగంలో స్పష్టంగా పేర్కొన్న విషయాన్ని సుప్రీం కోర్టు పేర్కొంది. పన్నులు విధించే అధికారం ఏ కార్యనిర్వాహక విభాగానికీ అప్పగించలేదని తెలిపింది. 2025 ఏప్రిల్లో ట్రంప్ వాణిజ్య లోటును ప్రస్తావిస్తూ… జాతీయ అత్వవసర స్థితిని ప్రకటించారు. ఈ క్రమం లోనే వాణిజ్య లోటును పరిష్కరించడానికి చాలా దేశాలపై “పరస్పర” సుంకాలను విధించారు. అమెరికా ఆర్థిక భద్రతకు పరస్పర సుంకాలు ముఖ్యమైనవని అభివర్ణించారు. ఈ సుంకాలు విధించకుంటే…దేశానికి రక్షణ లేకుండా పోతుందని, తీవ్రంగా నష్టపోవాల్సి వస్తుందని చెప్పుకొచ్చారు. అయితే ట్రంప్ అమలు చేస్తున్న ఈ విధానాన్ని పలువురు తీవ్రంగా వ్యతిరేకించారు. ఈ క్రమంలోనే సుప్రీం కోర్టు తీర్పుతో ట్రంప్కి భారీ ఎదురుదెబ్బ తగలింది. అయితే ట్రంప్ ఈ విషయంలో ఎలా ముందుకు సాగుతారనేది వేచి చూడాల్సి ఉంది.
