జనం న్యూస్: బీఆర్ఎస్ అధినేత, మాజీ సీఎం కేసీఆర్కు తెలంగాణ సీఎం రేవంత్ రెడ్డి బర్త్ డే శుభాకాంక్షలు తెలియజేశారు. నిత్యం ప్రజాసేవలో నిమగ్నమవుతూ రాష్ట్రాభివృద్ధికి పాటుపడటంలో భగవంతుడు వారికి సంపూర్ణ ఆయురారోగ్యాలను ప్రసాదించాలని ఆకాంక్షిస్తూ ఎక్స్ వేదికగా ట్వీట్ చేశారు. బీఆర్ఎస్ అధినేత, మాజీ సీఎం కల్వకుంట్ల చంద్రశేఖర్ రావుకి పుట్టినరోజు శుభాకాంక్షలు వెల్లువెత్తుతున్నాయి. నేడు కేసీఆర్ పుట్టినరోజు సందర్భంగా పలువురు సోషల్ మీడియా వేదికగా జన్మదిన శుభాకాంక్షలు తెలియజేస్తున్నారు. ఇకపోతే తెలంగాణ ముఖ్యమంత్రి రేవంత్ రెడ్డి సైతం శుభాకాంక్షలు తెలియజేశారు. ఈ మేరకు ఎక్స్ వేదికగా ట్వీట్ చేశారు.‘మాజీ ముఖ్యమంత్రి, ప్రతిపక్ష నాయకుడు కల్వకుంట్ల చంద్రశేఖర్ రావు జన్మదినం సందర్భంగా ముఖ్యమంత్రి ఎ.రేవంత్ రెడ్డి వారికి హార్దిక శుభాకాంక్షలు తెలియజేశారు. నిత్యం ప్రజాసేవలో నిమగ్నమవుతూ రాష్ట్రాభివృద్ధికి పాటుపడటంలో భగవంతుడు వారికి సంపూర్ణ ఆయురారోగ్యాలను ప్రసాదించాలని ఆకాంక్షించారు. ఈ ట్వీట్ ప్రస్తుతం వైరల్గా మారింది. ఎప్పుడు కేసీఆర్పై తీవ్రస్థాయిలో విరుచుకుపడే సీఎం రేవంత్ రెడ్డి సంపూర్ణ ఆయురారోగ్యాలతో ఉండాలని కోరుకోవడం పట్ల హర్షం వ్యక్తం చేస్తున్నారు. కేసీఆర్కు సంపూర్ణ ఆయురారోగ్యాలు ప్రసాదించాలి: సీఎం చంద్రబాబు. మరోవైపు కేసీఆర్కు ఆంధ్రప్రదేశ్ ముఖ్యమంత్రి చంద్రబాబు నాయుడు సైతం జన్మదిన శుభాకాంక్షలు తెలియజేశారు. ఈ మేరకు ట్వీట్ చేశారు. ‘మాజీ తెలంగాణ ముఖ్యమంత్రి కేసీఆర్కు జన్మదిన శుభాకాంక్షలు. కేసీఆర్కు సంపూర్ణ ఆయురారోగ్యాలు ప్రసాదించాలని భగవంతుడిని ప్రార్థిస్తున్నాను’అంటూ సీఎం చంద్రబాబు నాయుడు ట్వీట్ చేశారు.
