జనం న్యూస్: బీజేపీ నూతన అధ్యక్షుడు ఎన్నికకు సంబంధించి కీలక ప్రకటన వెలువడింది. జనవరి 20వ తేదీన బీజేపీ కొత్త అధ్యక్షుడి పేరును అధికారికంగా వెల్లడించనున్నారు. బీజేపీ నూతన అధ్యక్షుడు ఎన్నికకు సంబంధించి కీలక ప్రకటన వెలువడింది. జనవరి 20వ తేదీన బీజేపీ కొత్త అధ్యక్షుడి పేరును అధికారికంగా వెల్లడించనున్నారు. అయితే ఇటీవల బీజేపీ జాతీయ కార్యనిర్వాహక అధ్యక్షుడిగా నియమితులైన నితిన్ నబీన్ను పార్టీ నూతన అధ్యక్షుడిగా ఏకగ్రీవంగా ఎన్నుకోవాలని పార్ీ అధిష్ఠానం భావిస్తున్నట్లు తెలుస్తోంది. ఇందుకు సంబంధించిన వివరాలు ఇలా ఉన్నాయి…. బీజేపీ జాతీయ అధ్యక్షుడిగా ఉన్న జేపీ నడ్డా స్థానంలో కొత్త వ్యక్తిని నియమించేందుకు ఆ పార్టీ అధిష్టానం గత కొంతకాలంగా చర్యలు చేపట్టిన సంగతి తెలిపింది. ఈ క్రమంలోనే కొన్ని వారాల క్రితం బీజేపీ జాతీయ కార్యనిర్వాహక అధ్యక్షుడిగా నితిన్ నబిన్ నియమితులు కావడంతో ఆయనే పార్టీ తదుపరి జాతీయ అధ్యక్షుడనే సంకేతాలు వెలువడ్డాయి. అయితే పార్టీ నిబంధనల ప్రకారం తాజాగా బీజేపీ జాతీయ అధ్యక్షుడి ఎన్నికల షెడ్యూల్ విడుదలైంది. బీజేపీ జాతీయ రిటర్నింగ్ అధికారి, రాజ్యసభ ఎంపీ కె లక్ష్మణ్ శుక్రవారం విడుదల చేసిన పార్టీ సంస్థాగత ఎన్నికల షెడ్యూల్ ప్రకారం. పార్టీ అధ్యక్షుడి ఎన్నికకు నామినేషన్లు జనవరి 19 మధ్యాహ్నం 2 గంటల నుంచి 4 గంటల మధ్య దాఖలు చేయవచ్చు. నామినేషన్ల పరిశీలన అదే రోజు సాయంత్రం 4 గంటల నుంచి 5 గంటల వరకు జరుగుతుంది. అదే రోజు సాయంత్రం 5 గంటల నుండి 6 గంటల మధ్య అభ్యర్థులు నామినేషన్లను ఉపసంహరణకు అవకాశం కల్పించారు. అవసరమైతే జనవరి 20న పోలింగ్ జరుగుతుందని. అదే రోజు కొత్తగా ఎన్నికైన బీజేపీ జాతీయ అధ్యక్షుడి పేరును అధికారికంగా ప్రకటిస్తామని లక్ష్మణ్ తెలిపారు. ఈ ఎన్నిక ప్రక్రియ మొత్తం ఢిల్లీలోని బీజేపీ ప్రధాన కార్యాలయంలో జరుగుతుంది. బీజేపీ నాయయకుల ప్రకారం. జాతీయ అధ్యక్ష పదవికి పార్టీ జాతీయ కార్యనిర్వాహక అధ్యక్షుడిగా ఉన్న నితిన్ నబిన్ ఒక్కరే నామినేషన్ దాఖలు చేయనున్నారు. ఇతర పార్టీ నాయకులు ఎవరూ పోటీలో నిలిచే అవకాశం లేనందున, నితిన్ నబిన్ ఏకగ్రీవంగా పార్టీ అధ్యక్షుడిగా ఎన్నికయ్యే అవకాశం ఉంది. ఇక, ప్రధానమంత్రి నరేంద్ర మోడీ, కేంద్ర హోంమంత్రి అమిత్ షాతో సహా పార్టీ అగ్ర నాయకత్వం నితిన్ నబిన్ అభ్యర్థిత్వానికి మద్దతు ఇస్తున్న సంగతి తెలిసిందే.
