జనం న్యూస్: e-Mandate, Auto debit, AutoPay, Standing instruction ఈ నాలుగు విధానాలకు కస్టమర్ స్పష్టమైన అనుమతి తప్పనిసరి. ఇది ఆర్బీఐ, భారతీయ బ్యాంకింగ్ చట్టాల ప్రకారం మారలేని నియమంగా చెప్పవచ్చు. ఆర్బీఐ చెబుతున్న నియమం ప్రకారం “గ్రాహకుడి స్పష్టమైన అనుమతి లేకుండా, అతని బ్యాంక్ ఖాతా నుంచి ఒక్క పైసా కూడా డెబిట్ చేయకూడదు.” తెలంగాణ ముఖ్యమంత్రి రేవంత్ రెడ్డి ఇటీవల ట్రాఫిక్ చలాన్ల విషయంలో కొన్ని సంచలన వ్యాఖ్యలు చేశారు ట్రాఫిక్ చలాన్లపై ఎలాంటి రాయితీ ఇవ్వకూడదని ఆయన ఈ సందర్భంగా స్పష్టంగా పేర్కొన్నారు అంతేకాదు ఇక నుండి ట్రాఫిక్ చలాన్ నమోదు అయిన వెంటనే బ్యాంకు ఖాతా నుంచి డబ్బులు ఆటో డెబిట్ చేయాలని ఒక ప్రతిపాదన చేశారు దీనికి సంబంధించి బ్యాంకు వారితో సంప్రదింపులు సైతం జరుపుతామని పేర్కొన్నారు వాహన యజమాని బ్యాంకు ఖాతాలను ట్రాఫిక్ చలాన్లతో లింక్ చేసి డబ్బులు వెంటనే డ్రా అయ్యేలా ఒక టెక్నికల్ పరిష్కారం చూస్తామని కూడా ఆయన పేర్కొన్నారు. నిజానికి సీఎం రేవంత్ రెడ్డి చేసిన ప్రతిపాదన సాంకేతికంగా సాధ్యం అవుతుందా లేదా అనేది ప్రస్తుతం ఒక చర్చనీయాంశంగా మారింది అని చెప్పవచ్చు. ఈ నేపథ్యంలో అసలు సాంకేతికంగా ట్రాఫిక్ చలానా బ్యాంకు ఖాతాలతో ఇంటిగ్రేషన్ చేయడం అనేది సాధ్యం అవుతుందా కాదా అనే సంగతి ఇప్పుడు మనం తెలుసుకుందాం. నిజానికి సీఎం రేవంత్ రెడ్డి చేసిన ప్రతిపాదన టెక్నికల్గా పూర్తిగా సాధ్యమయ్యే ప్రక్రియ అని చెప్పవచ్చు. కానీ దీనికి పూర్తిగా సరైన చట్టపరమైన అనుమతులు దీంతోపాటు కస్టమర్ సమ్మతి, బలమైన ఐటీ ఇంటిగ్రేషన్ ఉంటేనే ఈ విధానం అమలు చేయడానికి సాధ్యమవుతుందని టెక్నికల్ నిపుణులు పేర్కొంటున్నారు. ముఖ్యంగా ఈ ట్రాఫిక్ చలానా బ్యాంకు ఖాతాలతో నేరుగా లింక్ చేయాలంటే UPI AutoPay / e-Mandate అవసరం అవుతుంది. దీనికోసం కస్టమర్ వద్ద నుంచి Standing Instruction (e-Mandate) అనుమతి తీసుకోవాల్సి ఉంటుంది. ఇక రెండో ఒక విధానం వాహన రిజిస్ట్రేషన్ సమయంలోనే బ్యాంక్ అకౌంట్ నెంబర్ లింక్ చేస్తారు అయితే దీనికి కూడా కస్టమర్ నుంచ UPI Mandate తీసుకోవాల్సి ఉంటుంది. అప్పుడు మాత్రమే చలానా వచ్చినప్పుడు నేరుగా బ్యాంకుకు డెబిట్ రిక్వెస్ట్ ద్వారా Standing Instruction (e-Mandate) ద్వారా ఈ విధానం సాధ్యమువుతుంది. ప్రస్తుతం మన దేశంలో బ్యాంకు EMIలు, Mobile Bill, Insurance premium వంటివి e-Mandate, Auto debit, AutoPay, Standing instruction ఈ నాలుగు విధానాలకు కస్టమర్ స్పష్టమైన అనుమతి తప్పనిసరి. ఇది ఆర్బీఐ, భారతీయ బ్యాంకింగ్ చట్టాల ప్రకారం మారలేని నియమంగా చెప్పవచ్చు. ఆర్బీఐ చెబుతున్న నియమం ప్రకారం “గ్రాహకుడి స్పష్టమైన అనుమతి లేకుండా, అతని బ్యాంక్ ఖాతా నుంచి ఒక్క పైసా కూడా డెబిట్ చేయకూడదు.” Auto-Debit Challan విధానం చట్టపరంగా సాధ్యమేనా..? భారత రాజ్యాంగం ఆర్టికల్ 300-A ప్రకారం “ఎవరినీ కూడా చట్టబద్ధమైన ప్రక్రియ లేకుండా వారి ఆస్తి నుంచి వంచించలేరు” ఇక్కడ ఆస్తి అంటే బ్యాంకులోని డబ్బుగా పరిగణించవచ్చు. కనుక కస్టమర్ కు తెలియకుండా వాదన వినిపించే అవకాశం లేకుండా ప్రభుత్వం డబ్బు తీసుకునే అవకాశం లేదు. ఇది సహజ న్యాయ సూత్రాలకు విరుద్ధం. కొన్ని సందర్భాల్లో ట్రాఫిక్ కెమెరాలు తప్పుగా గుర్తించడం వల్ల కూడా మీకు చలానా పడవచ్చు అలాంటప్పుడు మీరు నిర్దోషి అవుతారు. ఇది న్యాయ ప్రక్రియకు కూడా విరుద్ధమైనదిగా చెప్పవచ్చు. ఇక ఆర్బిఐ పరంగా చూసినట్లయితే కస్టమర్ అనుమతి, కోర్టు ఆర్డర్, ఆర్బిఐ అప్రూవ్డ్ మెండేట్ లేకుండా కస్టమర్ అకౌంట్ నుంచి డబ్బులు తీయలేరు. అయితే ఇక్కడ ముఖ్యమంత్రి రేవంత్ రెడ్డి చెప్పినట్లు ఆటో డెబిట్ విధానం అనేది చట్టబద్ధం అవ్వాలంటే స్వయంగా కస్టమర్ consent ఇవ్వాల్సి ఉంటుంది. లేదా కస్టమర్ ఎప్పుడైనా Opt-out option అంటే ఎప్పుడైనా రద్దు చేసుకునే వెసులుబాటు ఉండాలి. అప్పీల్ చేసుకునేందుకు అవకాశం కూడా ఉండాల్సి ఉంటుంది. అలాగే రిఫండ్ విధానం కూడా తప్పనిసరి. కనుక బలవంతంగా ఆటో డెబిట్ అనేది చట్ట విరుద్ధం అవుతుంది. స్వచ్ఛందంగా కస్టమర్ అనుమతి ద్వారా మాత్రమే ఈ విధానాన్ని రాష్ట్ర ప్రభుత్వం అమలు చేసే అవకాశం ఉంటుంది. అయితే కొత్త వాహన రిజిస్ట్రేషన్ సమయంలోనే Auto-Debit Mandate ఇవ్వాలని ప్రభుత్వం బలవంతం చేయవచ్చా అంటే ఇది కూడా దాదాపు అసాధ్యమే అని చెప్పాలి. ఎందుకంటే కస్టమర్ స్వయంగా ఒప్పుకోకుండా వాహనం అనుమతి ఇవ్వడాన్ని ప్రభుత్వం నిషేదించలేదు. ఎందుకంటే ఆర్టికల్ 300 ఏ ప్రకారం బ్యాంకు ఖాతా మీద కస్టమర్కు ఉండే హక్కు ఒక ప్రాపర్టీ రైట్. కోర్టు ఆర్డర్ లేకుండా మీ డబ్బును, మీ సంతకం లేకుండా ఎవరు తాకలేరు ప్రభుత్వం కూడా దీనికి ఎలాంటి మినహాయింపు కాదు. సాధారణంగా ఇన్ కం టాక్స్ డిపార్ట్మెంట్ సైతం ముందుగా ఎలాంటి నోటీసు ఇవ్వకుండా మీ అకౌంటు తాకలేదు. ఆర్టికల్ 300-A ద్వారా మన ఆస్తికి రాజ్యాంగం రక్షణ కల్పిస్తోంది. దీన్నిబట్టి ఈ విధానం వల్ల సంక్లిష్టతలతో కూడినదిగా చెప్పవచ్చు.
