అక్షర ఆయుధం న్యూస్ :- దేశ వ్యాప్తంగా ఉన్న రైల్వే రీజియన్లలో ఆర్ఆర్బీ జూనియర్ ఇంజనీర్ (JE), డిపో మెటీరియల్ సూపర్ ఇన్ టెండెంట్ (DMS), కెమికల్ & మెటలర్జికల్ అసిస్టెంట్ (CMA) పోస్టుల భర్తీకి ఇటీవల నోటిఫికేషన్ విడుదలైన సంగతి తెలిసిందే. ఈ పోస్టులకు సంబంధించిన ఆన్లైన్ దరఖాస్తు ప్రక్రియ ఇప్పటికే పూర్తవగా కంప్యూటర్ ఆధారిత పరీక్ష (CBT 1) త్వరలోనే జరగనుంది. అయితే గతంలో విడుదల చేసిన ప్రకటన మేరకు ఈ పరీక్షలు ఫిబ్రవరి 19, 20, 25 తేదీల్లో జరగవల్సి ఉంటుంది. తాజాగా ఈ తేదీల్లో మార్పు చేస్తున్నట్లు రైల్వే రిక్రూట్మెంట్ బోర్డు (ఆర్ఆర్బీ) ప్రకటన వెలువరించింది. ఈ మేరకు ఫిబ్రవరి 10న బోర్డు కొత్త షెడ్యూల్ను విడుదల చేసింది. తాజా నోటిఫికేషన్ ప్రకారం ఫిబ్రవరి 19, 20, 25 తేదీల్లో పరీక్ష నిర్వహించనున్నట్లు ఆర్ఆర్బీ వెల్లడించింది. మొత్తం 2,570 ఖాళీల భర్తీకి ఆర్ఆర్బీ ఈ నోటిఫికేష్ విడుదల చేసిన సంగతి తెలిసిందే. పరీక్ష తేదీకి 10 రోజుల ముందు సిటీ ఇంటిమేషన్ స్లిప్లు విడుదల చేస్తారు. ఇక పరీక్షకు 4 రోజుల ముందు అడ్మిట్ కార్డులను అభ్యర్థులకు అందుబాటులోకి తీసుకువస్తారు. తెలంగాణ హైకోర్టులో 859 ఉద్యోగాలకు రేపటితో ముగుస్తున్న గడువు.. మీరు దరఖాస్తు చేశారా? తెలంగాణ రాష్ట్ర వ్యాప్తంగా జిల్లా కోర్టుల్లో ఖాళీగా ఉన్న 859 ఉద్యోగాల భర్తీకి తెలంగాణ హైకోర్టు (TGHC) ఇటీవల నోటిఫికేషన్ విడుదల చేసిన సంగతి తెలిసిందే. ఈ పోస్టులకు ఆన్లైన్ రిజిస్ట్రేషన్లు రేపటితో ముగియనున్నాయి. అర్హత, ఆసక్తి కలిగిన అభ్యర్థులు ఫిబ్రవరి 13, 2026వ తేదీ వరకు ఆన్లైన్లో దరఖాస్తు చేసుకోవచ్చు. జనరల్, బీసీ అభ్యర్థులు రూ.600, ఎస్సీ, ఎస్టీ, ఈడబ్ల్యూఎస్, పీడబ్ల్యూడీ, ఈఎస్ఎం అభ్యర్థులు రూ.400 చొప్పున రిజిస్ట్రేషన్ సమయంలో దరఖాస్తు ఫీజు కింద చెల్లించవల్సి ఉంటుంది.
