అది దగ్గుమందు కాదు… స్లో పాయిజన్!

జనం న్యూస్: చిన్న పిల్లల కోసం వినియోగించే దగ్గు టానిక్ ఆల్మంట్ కిడ్ సిరప్ వినియోగాన్ని నిలిపివేయాలని తెలంగాణ ఔషధ నియంత్రణ మండలి ( డీసీఏ) ఆదేశించింది. ఈ సిరప్‌లో ఇథలీన్ గ్లైకాల్ ప్రమాదకరంగా ఉన్నట్లుగా గుర్తించిన నేపథ్యంలో ఈ హెచ్చరికలు చేసింది.చిన్నారులకు వినియోగించే దగ్గుమందులు ప్రాణాంతకంగా మారుతున్నాయి. చిన్నారుల ప్రాణాలు నిలబెట్టాల్సింది పోయి ప్రాణాలను హరించేస్తోంది. గతేడాది మధ్యప్రదేశ్‌లో కోల్డ్ రిఫ్ దగ్గుమందు తాగి 20కి పైగా పిల్లలు చనిపోయిన సంగతి తెలిసిందే. దీంతో ఆ దగ్గుమందు తయారీ కంపెనీపై కేంద్రప్రభుత్వం చర్యలు తీసుకుంది.వాటి ఎగుమతులపై నిషేధం విధించింది. తాజాగా తెలంగాణలోనూ పిల్లల దగ్గుమందుపై డ్రగ్స్ కంట్రోల్ అడ్మినిస్ట్రేషన్ కీలక ఆదేశాలు జారీ చేసింది. అల్మాంట్–కిడ్ సిరప్ (Almont-Kid Syrup)ను వాడొద్దని హెచ్చరించింది. అది దగ్గు మందు కాదని ఆ దగ్గుమందు రూపంలో ఉన్న స్లో పాయిజన్ అని పేర్కొంది. ఆల్మాంట్ కిడ్ సిరప్‌పై నిషేధం. తెలంగాణ రాష్ట్రంలో డ్రగ్ కంట్రోల్ అధికారులు ప్రజలకు కీలక హెచ్చరిక జారీ చేశారు. ఆల్మాంట్ కిడ్ సిరప్‌పై నిషేధం విధించింది. ఈ మేరకు ఔషధ నియంత్రణ పరిపాలన డెరెక్టర్ జనరల్ షానవాజ్ ఖాసిం శనివారం ఉత్తర్వులు జారీ చేశారు. ఆల్మాంట్ కిడ్ సిరప్‌ వినియోగించడం ఆపాలని ఉత్తర్వుల్లో పేర్కొన్నారు. ఈ సిరప్‌లో ఈ దగ్గుమందులో ఎథిలీన్ గ్లైకాల్ కలిసినట్లు ల్యాబ్ పరీక్షల్లో నిర్ధారణ అయ్యింది.దీంతో సిరప్ వినియోగాన్ని వెంటనే నిలిపివేయాల్సిందిగా తెలంగాణ డ్రగ్స్ కంట్రోల్ అడ్మినిస్ట్రేషన్ ప్రజలకు అత్యవసర హెచ్చరిక జారీ చేసింది. ఈ విషయాన్ని కేంద్ర ఔషధ ప్రమాద నియంత్రణ సంస్థ (CDSCO) ఈస్ట్ జోన్, కోల్ కతా నుంచి వచ్చిన అలర్ట్ ఆధారంగా రాష్ట్ర డ్రగ్స్ కంట్రోల్ శాఖ ప్రకటించింది. దీంతో ఆల్మాంట్-కిడ్ సిరప్ (లెవోసెటిరిజైన్ డైహైడ్రోక్లోరైడ్ మరియు మోంటెలుకాస్ట్ సోడియం సిరప్)ను నిషేధిస్తూ ఉత్తర్వులు జారీ చేసింది. వాడకూడని సిరప్‌ వివరాలు మందు పేరు: Almont-Kid Syrup బ్యాచ్‌ నం: AL-24002, తయారీ తేదీ: Jan-2025, గడువు తేదీ: Dec-2026, తయారీదారు: ట్రిడస్ రెమెడీస్, ప్లాట్ నెం. D-42, D-43, ఫేజ్-II, ఇండస్ట్రియల్ ఏరియా, హాజీపూర్, వైశాలి - 844102, దీనిపై సమాచారం లేదా ఫిర్యాదుల కోసం టోల్‌ఫ్రీ నంబరు 1800-599-6969లో సంప్రదించాలని తెలంగాణ డీసీఏ డైరెక్టర్ జనరల్ షానవాజ్ ఖాసిం ఆదేశించారు. స్టాప్ యూజ్ నోటీసులు జారీ. ఇకపోతే బీహార్‌కు చెందిన ట్రిడస్ రెమిడీస్ అనే ఫార్మా సంస్థ తయారు చేసిన AL-24002 బ్యాచ్ సిరప్ శాంపిల్స్‌ను పరిశీలించగా అత్యంత విషపూరితమైన ఎథిలీన్ గ్లైకాల్ ఉన్నట్లు తేలిందని అధికారులు తలిపారు.ఈ ఎథిలీన్ గ్లైకాల్ వల్ల శరీరంలోని కిడ్నీలు, నాడీ వ్యవస్థపై తీవ్ర ప్రభావం చూపే ప్రమాదం ఉందని తెలిపారు. పిల్లలకు ప్రాణాపాయం కలిగే అవకాశం ఉందని వైద్యులు హెచ్చరించారు. అల్మాంట్ కిడ్ సిరప్ ను ఎవరైనా కొనుగోలు చేసి ఉంటే దానిని వెంటనే వాడటం ఆపాలని సూచించారు. వినియోగం ప్రాణాంతకం అంటూ 'స్టాప్‌ యూజ్‌' నోటీసు జారీ చేశారు. ప్రజలు ఈ సిరప్‌ను వాడటం వెంటనే ఆపేయాలని తెలంగాణ డీసీఏ సూచించింది. మీ దగ్గర ఈ మందు ఉంటే టోల్‌ ఫ్రీ నంబర్‌ 1800 599 6969కు ఫిర్యాదు చేయాలని డీసీఏ కోరింది. ఇదిలా ఉంటే పిల్లల ఆరోగ్యం దృష్ట్యా ప్రతి ఒక్కరూ దగ్గు మందుల పట్ల అప్రమత్తంగా ఉండాలని అనుమానాస్పద సిరప్ కనిపిస్తే వెంటనే అధికారులకు సమాచారం ఇవ్వాలని డ్రగ్స్ కంట్రోల్ అధికారులు ప్రజలకు విజ్ఞప్తి చేశారు.