జర్నలిజానికి ఘన నివాళి

సాక్షి డిజిటల్ న్యూస్: ది న్యూ ఇండియన్ ఎక్స్‌ప్రెస్ (TNIE) గ్రూప్ వార్షిక సాహిత్య పురస్కారం, రామ్‌నాథ్ గోయెంకా సాహిత్య సమ్మాన్ (RNGSS) కార్యక్రమంలో భారత ఉపరాష్ట్రపతి సి.పి. రాధాకృష్ణన్ పాల్గొన్నారు. నిర్భయమైన జర్నలిజం ,లోతైన సాహిత్యం లేకుండా ఏ దేశం ఉద్భవించలేదని భారత ఉపరాష్ట్రపతి సి.పి. రాధాకృష్ణన్ అన్నారు. భావ ప్రకటనా స్వేచ్ఛ భారత ప్రజాస్వామ్యానికి మూలస్తంభంగా మారిందని తెలిపారు. శుక్రవారం చెన్నైలో జరిగిన ఓ కార్యక్రమంలో ఆయన మాట్లాడుతూ, భారతీయ రచనలో అత్యుత్తమ ప్రతిభను సత్కరించే ది న్యూ ఇండియన్ ఎక్స్‌ప్రెస్ (TNIE) గ్రూప్ వార్షిక సాహిత్య పురస్కారం, రామ్‌నాథ్ గోయెంకా సాహిత్య సమ్మాన్ (RNGSS) కార్యక్రమం మూడవ ఎడిషన్‌లో ఆయన ప్రసంగించారు. భారతీయ సాహిత్యానికి దశాబ్దాలుగా చేసిన కృషికి గుర్తింపుగా ప్రఖ్యాత రచయిత చంద్రశేఖర కంబారకు ఈ ఏడాది జీవిత సాఫల్య పురస్కారం లభించింది. బెస్ట్ ఫిక్షన్ విభాగంలో టేల్స్ ఫ్రమ్ ది డాన్-లిట్ మౌంటైన్స్‌కు, సుబి తబా రామ్‌నాథ్ గోయెంకా సాహిత్య సమ్మాన్‌ మరియు సుదీప్ చక్రవర్తి 'ఫాలెన్ సిటీ: ఎ డబుల్ మర్డర్, పొలిటికల్ ఇన్‌సానిటీ' అండ్ 'ఢిల్లీస్ డిసెంట్ ఫ్రమ్ గ్రేస్' చిత్రాలకు ఉత్తమ నాన్-ఫిక్షన్ అవార్డును పొందారు. నేహా దీక్షిత్ 'ది మెనీ లైవ్స్ ఆఫ్ సయ్యదా ఎక్స్: ది స్టోరీ ఆఫ్ యాన్ అన్ నోన్ ఇండియన్' చిత్రాలకు ఉత్తమ డెబ్యూ అవార్డును గెలుచుకున్నారు. ఈ కార్యక్రమానికి ముఖ్య అతిథిగా హాజరైన భారత ఉపరాష్ట్రపతి సి.పి. రాధకృష్ణన్, ఇండియన్ ప్రింట్ జర్నలిజంలో అగ్రగామి , ది న్యూ ఇండియన్ ఎక్స్‌ప్రెస్ గ్రూప్ విజనరీ ఫౌండర్ రామ్‌నాథ్ గోయెంకాకు ఘన నివాళులు అర్పించారు. ఈ సందర్భంగా మాట్లాడుతూ దేశ చరిత్రలో అత్యంత క్లిష్ట పరిస్థితుల్లో కూడా ఆయన పాత్రికేయ సమగ్రత, ఇంటిలెక్చువల్ కరేజ్, ప్రజాస్వామ్య విలువల కోసం బలంగా పోరాడారని పేర్కొన్నారు. ది న్యూ ఇండియన్ ఎక్స్‌ప్రెస్ గ్రూప్ చైర్మన్ , మేనేజింగ్ డైరెక్టర్ మనోజ్ కుమార్ సొంథాలియా మాట్లాడుతూ, ధైర్యం, ఊహ , సమగ్రతతో కలం పట్టిన రచయితలకు ఈ అవార్డు ఒక నివాళి అని అన్నారు. ఈ కార్యక్రమానికి తమిళనాడు రాష్ట్ర ఆరోగ్య శాఖ మంత్రి ఎం సుబ్రమణియన్, ఇన్ఫర్మేషన్ టెక్నాలజీ అండ్ డిజిటల్ సర్వీసెస్ మంత్రి పళనివేల్ త్యాగ రాజన్, TNIE ఎడిటోరియల్ డైరెక్టర్ ప్రభు చావ్లా, TNIE ఎడిటర్ సాంత్వనా భట్టాచార్య, దినమణి ఎడిటర్ K వైద్యనాథన్, ENPL డైరెక్టర్ కల్పనా సోంతలియా, TNIE సీఈవో లక్ష్మీ మీనన్ హాజరయ్యారు.