డిసెంబర్ 26 నుంచి కొత్త టికెట్ ధరలు

సాక్షి డిజిటల్ న్యూస్: రైలు టికెట్ల ధరలను పెంచుతూ భారత రైల్వేశాఖ కీలక నిర్ణయం తీసుకుంది. భారత రైల్వేశాఖ కీలక నిర్ణయం తీసుకుంది. రైలు టికెట్ల ధరలను పెంచుతున్నట్లు ప్రకటించింది. డిసెంబర్ 26 నుండే ఇది అమల్లోకి రానుందని తెలిపింది. రైలు టికెట్ ధరల పెంపు ఇండియన్ రైల్వే డిపార్ట్‌మెంట్ తీసుకున్న టికెట్ ధరల పెంపు నిర్ణయం డిసెంబర్ 26 నుండి అమల్లోకి రానుంది. అయితే 215 కిలోమీటర్ల లోపు ఉన్నటువంటి ఆర్డినరీ క్లాస్ రైల్వే టికెట్ ధరల విషయంలో ఇది వర్తించదని పేర్కొంది. 215 కిలోమీటర్లు దాటిన మెయిల్/ ఎక్స్‌ప్రెస్ నానా ఏసీ మరియు ఏసీ క్లాస్ రైలు టికెట్ ధరల్లో ప్రతీ కిలోమీటర్‌కు 2 పైసల చొప్పున ఛార్జీలు వసూలు చేయనున్నారు. దీని ద్వారా రైల్వేశాఖకు 600 కోట్ల ఆదాయం వస్తుందని అంచనావేస్తున్నారు. 500 కిలోమీటర్లు నాన్-ఏసీ రైలులో ప్రయాణం చేసేవారు రైలు టికెట్ ధరకు అదనంగా రూ.10 చెల్లించాల్సి ఉంటుంది. జనరల్ క్లాస్ టికెట్ ధరల్లో 215 కిలోమీటర్ల వరకు ఎలాంటి మార్పు ఉండదు.మ్యాన్ పవర్ కాస్ట్ పెరిగిన కారణంగానే కార్గో లోడింగ్‌తో పాటు టికెట్ ధరలు పెంచాలని నిర్ణయం తీసుకుంది. కాగా, రైల్వే శాఖ గత జులై నెలలో టికెట్ ధరలు పెంచింది. మెయిల్, ఎక్స్‌ప్రెస్ రైళ్లకు సంబంధించి ఏసీ కోచ్‌లలో ప్రయాణానికి కిలో మీటర్‌కు ఒక పైసా చొప్పున పెంచింది. సంక్రాంతి పండుగకు సొంతూరు వెళ్లేవారికి భారతీయ రైల్వే శాఖ గుడ్ న్యూస్ చెప్పింది. సొంతూళ్లకు వెళ్లే ప్రయాణికుల కోసం స్పెషల్ ట్రైన్స్ ను నడపనున్నట్లు దక్షిణ మధ్య రైల్వే ప్రకటించింది. సంక్రాంతి పండుగ రద్దీ దృష్ట్యా ప్రత్యేక రైళ్లను నడపాలని నిర్ణయించనట్లు ప్రకటించింది. జనవరి 9 నుంచి సర్వీసులు ప్రారంభం సంక్రాంతి సందర్భంగా 2026 జనవరి 9వ తేదీ నుంచి ప్రత్యేక రైళ్లను నడుపుతున్నట్లు దక్షిణమధ్య రైల్వే ప్రకటించింది. ఇప్పటికే 33 ప్రత్యేక రైళ్లను నడుపుతున్న దక్షిణ మధ్య రైల్వే తాజాగా మరో 16 రైళ్లను నడపాలని నిర్ణయించింది. స్వగ్రామాలకు వెళ్లే ప్రయాణికులకు ఊరట కలిగించేలా దక్షిణమధ్య రైల్వే ఈ కీలక నిర్ణయం తీసుకుంది. సికింద్రాబాద్-శ్రీకాకుళం, వికారాబాద్-శ్రీకాకుళం, శ్రీకాకుళం-సికింద్రాబాద్ మార్గాల్లో ఈ రైళ్లు (Special Trains) నడవనున్నాయి. జనవరి 9 నుంచి 18 మధ్య ఈ ట్రైన్ సర్వీసులు అందుబాటులో ఉండనున్నట్లు దక్షిణ మధ్యరైల్వే పేర్కొంది. ఈ ప్రత్యేక రైళ్లలో 1AC, 2AC, 3AC, స్లీపర్, జనరల్, సెకండ్ క్లాస్ కోచ్‌లు ఉంటాయి అని పేర్కొంది. సంక్రాంతికి 16 ప్రత్యేక రైళ్లు, సికింద్రాబాద్‌-శ్రీకాకుళం రోడ్‌ (07288), శ్రీకాకుళం రోడ్‌-సికింద్రాబాద్‌(07289), సికింద్రాబాద్‌-శ్రీకాకుళం రోడ్‌(07290), శ్రీకాకుళం రోడ్‌- సికింద్రాబాద్‌(07291), వికారాబాద్‌-శ్రీకాకుళం రోడ్‌(07294), శ్రీకాకుళం రోడ్‌-సికింద్రాబాద్‌ (07295), సికింద్రాబాద్‌- శ్రీకాకుళం రోడ్‌(07292), శ్రీకాకుళం రోడ్-సికింద్రాబాద్‌(07293) రైళ్లు ఉన్నాయి.