సాఫ్రాన్‌ ఎయిర్‌క్రాఫ్ట్‌ ఇంజిన్‌ సర్వీసెస్‌ను ప్రారంభించిన మోదీ

సాక్షి డిజిటల్ న్యూస్: హైదరాబాద్‌‌లోని జీఎంఆర్ ఏరోస్పేస్ అండ్ ఇండస్ట్రీయల్ పార్క్ – ఎస్‌ఈజెడ్‌లో ఏర్పాటు చేసిన సాఫ్రాన్ ఎయిర్‌క్రాఫ్ట్ ఇంజిన్ సర్వీసెస్ ఇండియా (SAESI) కేంద్రాన్ని ప్రధానమంత్రి నరేంద్ర మోదీ బుధవారం వీడియో కాన్ఫరెన్స్ ద్వారా ప్రారంభించారు. హైదరాబాద్‌‌లోని జీఎంఆర్ ఏరోస్పేస్ అండ్ ఇండస్ట్రీయల్ పార్క్ – ఎస్‌ఈజెడ్‌లో ఏర్పాటు చేసిన సాఫ్రాన్ ఎయిర్‌క్రాఫ్ట్ ఇంజిన్ సర్వీసెస్ ఇండియా (SAESI) కేంద్రాన్ని ప్రధానమంత్రి నరేంద్ర మోదీ బుధవారం వీడియో కాన్ఫరెన్స్ ద్వారా ప్రారంభించారు. హైదరాబాద్‌లో జరిగిన ప్రారంభోత్సవ కార్యక్రమంలో కేంద్ర మంత్రి రామ్మోహన్ నాయుడు, తెలంగాణ ముఖ్యమంత్రి రేవంత్ రెడ్డి, మంత్రి శ్రీధర్ బాబు తదితరులు పాల్గొన్నారు. SAESI అనేది LEAP (లీడింగ్‌ ఎడ్జ్‌ ఏవియేషన్‌ ప్రొపల్షన్‌) ఇంజిన్‌ల కోసం సాఫ్రాన్ సంస్థకు చెందిన ప్రత్యేక మెయింటెనెన్స్, రిపేర్, ఓవర్‌హాల్ (MRO) కేంద్రం. ఈ LEAP ఇంజిన్‌లు ఎయిర్‌బస్ A320 నియో, బోయింగ్ 737 మ్యాక్స్ విమానాలకు శక్తిని అందిస్తాయి. లీప్‌ ఇంజిన్లకు ఎంఆర్‌ఓ సేవలను అందించే ప్రపంచంలోని అతిపెద్ద సదుపాయాలలో ఒకటిగా ఇది నిలవనుంది. అలాగే ఈ సౌకర్యంతో మొదటిసారిగా, గ్లోబల్ ఇంజిన్ ఒరిజినల్ ఎక్విప్‌మెంట్ తయారీదారు (ఓఇఎం) భారతదేశంలో ఎంఆర్‌ఓ ఆపరేషన్‌ను ఏర్పాటు చేసింది. విమానయాన రంగంలో స్వావలంబన లక్ష్యం వైపు ఎంఆర్‌ఓ సౌకర్యం ఒక ప్రధాన అడుగు అవుతుంది. ఈ సదుపాయం స్థాపన ఒక చారిత్రక ఘట్టం, ఎందుకంటే ఇది ప్రపంచంలోనే అతిపెద్ద విమాన ఇంజిన్ MRO కేంద్రాలలో ఒకటిగా నిలవడమే కాక, ఒక అంతర్జాతీయ ఇంజిన్ OEM (ఒరిజినల్ ఎక్విప్‌మెంట్ మాన్యుఫ్యాక్చరర్) సంస్థ భారతదేశంలో MRO ఆపరేషన్‌ను ఏర్పాటు చేయడం ఇదే మొదటిసారి. 45,000 చదరపు మీటర్ల విస్తీర్ణంలో… జీఎంఆర్ ఏరోస్పేస్ అండ్ ఇండస్ట్రియల్ పార్క్ – ఎస్‌ఈజెడ్‌లో అత్యాధునిక సాంకేతికతతో ఈ కేంద్రాన్ని ఏర్పాటు చేశారు. ప్రారంభంలో దీని కోసం రూ. 1,300 కోట్లు పెట్టుబడి పెట్టారు. ఏటా 300 వరకు LEAP ఇంజిన్‌లకు సేవలు అందించే సామర్థ్యం దీనికి ఉంది. 2035 నాటికి ఈ కేంద్రం పూర్తిస్థాయిలో పనిచేయడం ప్రారంభించాక… 300 లీప్ ఇంజిన్లకు సేవలు అందించగలదు. అప్పటికి 1,000 మందికి పైగా అత్యంత నైపుణ్యం కలిగిన భారతీయ సాంకేతిక నిపుణులు, ఇంజనీర్లకు ఉపాధి లభిస్తుంది. ఎమ్మార్వోలో స్వదేశీ సామర్థ్యాలను అభివృద్ధి చేయడం వల్ల విదేశీ మారక ద్రవ్యం బయటకు వెళ్లడం తగ్గుతుంది. అధిక విలువ కలిగిన ఉపాధిని సృష్టిస్తుంది. సప్లై – చైన్ స్థితిస్థాపకతను బలోపేతం చేస్తుంది. అలాగే భారతదేశాన్ని ప్రపంచ విమానయాన కేంద్రంగా ఉంచుతుంది. ఈ రంగం వేగవంతమైన వృద్ధికి మద్దతు ఇవ్వడానికి భారత ప్రభుత్వం బలమైన ఎమ్మార్వో ఏకోసిస్టమ్‌ను నిర్మించడానికి చురుకుగా పనిచేస్తోంది. 2024లో జీఎస్టీ సంస్కరణలు, ఎమ్మార్వో మార్గదర్శకాలు 2021, జాతీయ పౌర విమానయాన విధానం 2016తో సహా ప్రభుత్వ కీలక విధాన కార్యక్రమాలు ట్యాక్స్ స్ట్రక్చర్‌ను హేతుబద్ధీకరించడం, రాయల్టీ భారాలను తగ్గించడం ద్వారా MRO ప్రొవైడర్ల కార్యకలాపాలను సరళీకృతం చేశాయి.