సాక్షి డిజిటల్ న్యూస్: సేవను ఒక బాధ్యతగా కాకుండా, జీవిత విధానంగా చూసే విద్యా వ్యవస్థను సృష్టించారని పుట్టపర్తి శ్రీ సత్యసాయి బాబాఉప రాష్ట్రపతి సీపీ రాధాకృష్ణన్ పేర్కొన్నారు. సేవను ఒక బాధ్యతగా కాకుండా, జీవిత విధానంగా చూసే విద్యా వ్యవస్థను సృష్టించారని పుట్టపర్తి శ్రీ సత్యసాయి బాబాఉప రాష్ట్రపతి సీపీ రాధాకృష్ణన్ పేర్కొన్నారు. ఇది నిస్వార్థత, సమగ్రత, శ్రేష్ఠతకు కట్టుబడి ఉన్న నాయకత్వాన్ని రూపుదిద్దుతుందని అన్నారు. ఉప రాష్ట్రపతి సీపీ రాధాకృష్ణన్ శనివారం రోజున పుట్టపర్తిలోని శ్రీసత్యసాయి ఇన్స్టిట్యూట్ ఆఫ్ హయ్యర్ లెర్నింగ్ 44వ స్నాతకోత్సవంలో పాల్గొన్నారు. ఈ కార్యక్రమంలో ఏపీ సీఎం చంద్రబాబు నాయుడు, మంత్రి నారా లోకేష్, తదితరులు పాల్గొన్నారు. ఈ సందర్భంగా సీపీ రాధాకృష్ణన్ మాట్లాడుతూ… ఈ విశ్వవిద్యాలయ చిహ్నంలో ఉన్న సర్వ ధర్మ స్తూపం దేశంలో శాంతి, సామరస్యానికి ప్రతీక అని అన్నారు. వ్యక్తిత్వ నిర్మాణం, జ్ఞానాన్ని, సమస్త మతాల పట్ల గౌరవాన్ని ప్రాధాన్యంగా తీసుకునే ఈ విద్యాసంస్థ ప్రయత్నాలను ఆయన అభినందించారు. భారతదేశం సాధిస్తున్న పరివర్తనాత్మక వృద్ధి గురించి సీపీ రాధాకృష్ణన్ మాట్లాడుతూ…దేశం అపూర్వమైన పురోగతి అంచున ఉందని, ప్రపంచ ఆవిష్కరణల కేంద్రంగా, స్థిరమైన అభివృద్ధి, శాంతికి మార్గదర్శిగా ఎదుగుతుందని పేర్కొన్నారు. ప్రధానమంత్రి మోదీ నాయకత్వంలో నాయకత్వంలో అమలు చేస్తున్న సంస్కరణలు, ముఖ్యంగా జాతీయ విద్యా విధానం (NEP) 2020… ఉన్నత విద్యా రంగాన్ని పునర్నిర్మించడంలో కీలకమని పేర్కొన్నారు. ఇది సమగ్ర అధ్యాపక అభివృద్ధి, గణనీయమైన మౌలిక సదుపాయాల పెట్టుబడి, డిజిటల్ సాధనాల స్వీకరణ, మెరుగైన అభ్యాస ఫలితాల ద్వారా ఉన్నత విద్యా పర్యావరణ వ్యవస్థను బలోపేతం చేసిందని చెప్పారు. దేశంలోని ఉన్నత విద్యా సంస్థలు బహుళ రంగాల పరిశోధన, జ్ఞాన సృష్టి, సాంకేతిక అభివృద్ధిలో వేగంగా ముందుకు సాగుతున్నాయని… భారతదేశాన్ని ప్రపంచ నాయకుడిగా నిలబెట్టడానికి దోహదపడుతున్నాయని ఆయన పేర్కొన్నారు. పరిశోధనలో పెట్టుబడులు పెంచాల్సిన అవసరాన్ని కూడా సీపీ రాధాకృష్ణన్ ప్రత్యేకంగా వివరించారు. భారతదేశ భవిష్యత్ తరాలు ఆర్టిఫిషియల్ ఇంటెలిజెన్స్, బిగ్ డేటా, బ్లాక్చెయిన్, మెషిన్ లెర్నింగ్ వంటి అభివృద్ధి చెందుతున్న సాంకేతికతలకు అనుగుణంగా మారాలని చెప్పారు. ప్రధాని మోదీ నాయకత్వంలో పరివర్తనాత్మక మార్పులు జరుగుతున్నాయని, ప్రపంచం భారతదేశం మాట వింటుందని ఆయన అన్నారు. కోవిడ్ వ్యాక్సిన్ను అభివృద్ధి చేయాలన్న ప్రధానమంత్రి పిలుపును ఆయన ప్రశంసించారు. భారతదేశం తన కోసమే కాకుండా మానవాళి సంక్షేమం కోసం వ్యాక్సిన్ను సృష్టించిందని ఆయన పేర్కొన్నారు. దీనిని మన దేశం సాధించిన గొప్ప విజయాలలో ఒకటిగా ఆయన అభివర్ణించారు. ఆర్ధిక శక్తికి కరుణ తోడైతేనే విలువ ఉంటుందని, అనేక దేశాలకు ఉచితంగా టీకాలు అందించడం ద్వారా భారతదేశం దీన్ని నిరూపించిందని సీపీ రాధాకృష్ణన్ తెలిపారు. భారతదేశం ప్రపంచంలోనే నంబర్ వన్ ఆర్థిక వ్యవస్థగా మారినప్పుడు… ప్రపంచ సంక్షేమానికి మరింత దోహదపడుతుందని ఆయన అన్నారు. మాదకద్రవ్యాల వ్యసనానికి దూరంగా ఉండాలని యువతకు పిలుపునిస్తూ, ‘‘మాదకద్రవ్యాలకు నో చెప్పండి (Say No to Drugs)’’ అనే సందేశాన్ని పునరుద్ఘాటించారు. విద్యార్థులు భారతదేశ ఆధ్యాత్మిక తత్వాలు, మానవత్వం, క్రమశిక్షణ, అంకితభావంతో కూడిన జీవన విధానానికి రాయబారులుగా ఉండాలని ఆయన కోరారు. ప్రధానమంత్రి నరేంద్ర మోడీ ఊహించిన వికసిత భారత్ @ 2047 లక్ష్యాన్ని సాధించడంలో యువత తన వంతు పాత్ర పోషించాలని పిలుపునిచ్చారు. శ్రీ సత్యసాయి బాబా చెప్పిన మాటలైన ‘‘మానవ విలువలను పెంపొందించడమే నిజమైన విద్య’’ను ఉటంకిస్తూ ఉపరాష్ట్రపతి సీపీ రాధాకృష్ణన్ తన ప్రసంగాన్ని ముగించారు.
